Byggðasafn

Sýningar Byggðasafns Reykjanesbæjar eru í Duushúsum. Markmið sýninganna er að gera sögu bæjarins skil og skapa brú á milli fortíðar og nútíðar. Sérstök áhersla er lögð á að draga fram sérkenni svæðisins.

Byggðasafnið varðveitir yfir 20.000 gripi og 100.000 ljósmyndir sem veita einstaka innsýn í sögu Reykjanesbæjar. Safnkosturinn er fjölbreyttur. Þar má finna báta, bíla, húsbúnað, verkfæri, leikföng, vopn, umbúðir, fatnað og myndir svo eitthvað sé nefnt. Í safninu er unnin metnaðarfull vinna með það að leiðarljósi að varðveita, rannsaka og miðla safnkostinum svo samfélagið njóti góðs af.

Verið öll velkomin!