Grindarsmíðanámskeið – Snædís Traustadóttir

Hafnir eru aldagamalt landnámssvæði sem hefur að geyma margar merkar minjar. Hluti af þessum minjum er gríðarlegt magn af fornum hleðslum og tóftum sem enginn kann deili á í dag.
Hvert námskeið verður frá föstudegi til sunnu-dags frá klukkan 9:00–15:00. Öll tæki og tól verða til staðar á svæðinu ásamt kaffaðstöðu. Boðið verður upp á hressingu yfir alla námskeiðis dagana.
Snædís Traustadóttir er húsasmíðameistari og sérfræðingur í hefðbundinni grindargerð og timburhúsasmíði með ríka þekkingu á fornum byggingaraðferðum. Hún vinnur markvisst með handsmíðaðar burðargrindur þar sem notast er við hefðbundið efnisval, klassíska tengingar og byggingartækni sem þróast hefur í íslensku samhengi um aldir.
Í kennslu sinni leggur Snædís Traustadóttir áherslu á skilning á burðarvirki, samspil timburs, steins og landslags og þá verkkunnáttu sem felst í því að byggja húsgrindur sem eru bæði sterkar og í sátt við umhverfi sitt. Námskeið hennar byggja á verklegri vinnu þar sem þátttakendur kynnast fornum smíðaaðferðum, læra að lesa í efni og form og beita þeirri þekkingu við endurgerð grindarvirkja í sögulegum mannvirkjum.
Með þátttöku Snædísar í Fornverki í Höfnum er tryggt að endurgerð burðargrinda í verbúðum og öðrum mannvirkjum sé unnin af fagmennsku og virðingu fyrir sögulegu samhengi, jafnframt því sem dýrmæt verkkunnátta í fornum timbur-verkum er miðluð áfram til nýrra kynslóða. Í lok hvers námskeiðs munu þátttakendur fá útskriftarplagg ásamt mynd af hópnum og þeirri grind sem tókst að endurreisa.