Visit Reykjanesbaer

Línur, flækjur og allskonar

Línur, flækjur og allskonar

Línur, flækjur og allskonar

24 24 people viewed this event.

Línur, flækjur og allskonar
Einkasýning Guðrúnar Gunnarsdóttur í Listasafni Reykjanesbæjar

Guðrún Gunnarsdóttir er frumkvöðull á sviði þráðlistar og gefur sýning hennar góða mynd af þróun listamannsins frá myndvefnaði á áttunda áratug síðustu aldar, til þrívíddarmynda sem einkenna myndlist hennar í dag.

Þráðlist eins og sú sem Guðrún Gunnarsdóttir ástundar er ótvírætt þrívíddarlist í klassískum skilningi, þótt listakonan gangi í berhögg við ýmsar siðvenjur sem fylgt hafa slíkri list frá örófi alda. Til að mynda hirðir hún ekki um að setja verk sín á stalla, og þar með bæði upphefja þau og staðsetja utan seilingar. Þess í stað fá þau að leika lausum hala í námunda við okkur, hanga ofan úr lofti, fikra sig ofur varlega upp og niður veggi, eða mynda smágerðar lífrænar einingar niður við fótskör. Og í stað þess að kalla á athygli, eins og stallsettir skúlptúrar óneitanlega gera, eru verk Guðrúnar gerð til að birtast okkur eins og fyrir tilviljun, jafnvel koma þægilega á óvart, ekki ósvipað og ljóðlínur með óvæntu niðurlagi.

Sýningarstjóri er Aðalsteinn Ingólfsson, listfræðingur.
Sýningin er styrkt af Myndlistarsjóði.
Sýningin stendur til og með 5. mars 2023.

Auka upplýsingar

Til þess að skrá þig á þennan atburð vinsamlegast farðu á eftirfarandi slóð: http://listasafn.reykjanesbaer.is →

 

Dagsetning og tími

16-01-2023 to
05-03-2023
 

Staðsetning

 

Flokkur Atburðar

Deila